(ଦ କୁଇଭର): ବର୍ତ୍ତମାନ ହିରୋ ସହିତ ମିଶି ଇଲେକ୍ଟ୍ରି ବାଇକ୍ ତିଆରି କରିବ ମହିନ୍ଦ୍ରା କମ୍ପାନୀ । ମହିନ୍ଦ୍ରା ଗ୍ରୁପ୍ ସହିତ ହିରୋ ଇଲେକ୍ଟ୍ରିକ୍ ଏକ ରଣନୀତିକ ଭାଗିଦାରୀ ଘୋଷଣା କରିଛି ଜ୍ଝ ଆଗାମୀ ୫ ବର୍ଷ ପାଇଁ ପ୍ରାୟ ୧୫୦ କୋଟିର ଉତ୍ପାଦନ ପାଇଁ ଉଦ୍ୟମ କରିବେ ଏହି ଦୁଇଟି କମ୍ପାନୀ । ଦୁଇ ଚକିଆ ଇଲେକ୍ଟ୍ରିକ୍ ବାଇକ୍ ନିର୍ମାତା ହିରୋ ଇଲେକ୍ଟ୍ରିକ୍ ଯାନ ତିଆରି କରିବା ପାଇଁ ମହିନ୍ଦ୍ରା ଗ୍ରୁପ୍ ସହିତ ମିଳିତ ଉଦ୍ୟମ ଘୋଷଣା କରିଛି। ହିରୋ ଇଲେକ୍ଟ୍ରିକ୍ ଏବଂ ମହିନ୍ଦ୍ରା ଗ୍ରୁପ୍ ମଧ୍ୟରେ ଭାଗିଦାରୀ ପ୍ରାୟ ୧୫୦ କୋଟି ହେବ ବୋଲି ଆକଳନ କରାଯାଇଛି ଏବଂ ଏହା ଆସନ୍ତା ପାଞ୍ଚ ବର୍ଷ ପର୍ୟ୍ୟନ୍ତ ଜାରି ରହିବ ।
ମହିନ୍ଦ୍ରା ଗ୍ରୁପ୍ ସହିତ ଏହି ମିଳିତ ଭାଗିଦାରୀ ସହାୟତାରେ ହିରୋ ଇଲେକ୍ଟ୍ରିକ୍ ଚଳିତ ବର୍ଷ ଶେଷ ସୁଦ୍ଧା ବର୍ଷକୁ ଏକ ମିଲିୟନ୍ ଇଲେକ୍ଟ୍ରିକ୍ ଯାନ ଉତ୍ପାଦନ କରିବାକୁ ଲକ୍ଷ୍ୟ ରଖିଛି ଜ୍ଝ ଏହି ଲକ୍ଷ୍ୟ ହାସଲ କରିବା ପାଇଁ ଦୁଇ କମ୍ପାନୀ ହିରୋ ଇଲେକ୍ଟ୍ରିକ୍ ମାଲିକାନା ଲୁଧିଆନା ପ୍ଲାଣ୍ଟକୁ ବିସ୍ତାର କରିବେ ।
ଜାନୁଆରୀ ୧୯ ରେ ହିରୋ ଇଲେକ୍ଟ୍ରିକ୍ ଏବଂ ମହିନ୍ଦ୍ରା ଗ୍ରୁପ୍ ମଧ୍ୟରେ ଘୋଷିତ ଏକ ସହଭାଗିତାରେ, ଦୁଇ ଚକିଆ ଯାନର ଚାହିଦା ମେଣ୍ଟାଇବା ପାଇଁ ମଧ୍ୟପ୍ରଦେଶର ପିଥାମପୁରରେ ଥିବା ପ୍ଲାଣ୍ଟରେ ଇଲେକ୍ଟ୍ରିକ୍ ବାଇକ୍ ଉତ୍ପାଦନ କରିବ ମହିନ୍ଦ୍ରା । ହିରୋ ଇଲେକ୍ଟ୍ରିକ୍ କମ୍ପାନୀ ଦେଶର ଅଗ୍ରଣୀ ଇଲେକ୍ଟ୍ରିକ୍ ସ୍କୁଟର କମ୍ପାନୀ ୨୦୨୨ ସୁଦ୍ଧା ୧୦ ଲକ୍ଷରୁ ଅଧିକ ଇଲେକ୍ଟ୍ରିକ୍ ବାଇକ୍ ଉତ୍ପାଦନ କରି ଏହାର ଚାହିଦା ପୂରଣ କରିବାରେ ସଫଳ ହେବ ।
ପିଥାମପୁର ପ୍ଲାଣ୍ଟରେ ଅପ୍ଟିମା ଏବଂ ଏନଏକ୍ସୱାଇ ମଡେଲ ଉତ୍ପାଦନରେ ମହିନ୍ଦ୍ରା ଗ୍ରୁପର ଅବଦାନ ହିରୋ ଇଲେକ୍ଟ୍ରିକ୍ ର ବର୍ତ୍ତମାନର ଲୁଧିଆନା ସୁବିଧାରେ ଏହି ଇଭିଏସ୍ ଉତ୍ପାଦନ ପାଇଁ ଏକ ବିସ୍ତାର ଭାବରେ ଆସିଥାଏ । ଏହା ସଂପର୍କରେ ହିରୋ ଇଲେକ୍ଟ୍ରିକ୍ ର ଏମଡି ନବୀନ ମୁନଜଲ କହିଛନ୍ତି, ଏହାର ମୂଳକୁ ଆହୁରି ଗଭୀର କରିବା ଏବଂ ନେତୃତ୍ୱକୁ ମଜବୁତ କରିବା ପାଇଁ ହିରୋ ଇଲେକ୍ଟ୍ରିକ୍ ମହିନ୍ଦ୍ରା ଗ୍ରୁପ୍ ସହ ସହଭାଗିତା ଘୋଷଣା କରିଛି, ଯାହା ତିନି ଏବଂ ଚାରି ଚକିଆ ଜାଗାରେ ଇଲେକ୍ଟ୍ରିକ୍ ବାଇକର ପରିବର୍ତ୍ତନକୁ ଆଗେଇ ନେଉଛି।