(ଦ କୁଇଭର): ମାର୍ଚ୍ଚରେ ପାକିସ୍ତାନ ଗସ୍ତରେ ଯାଉଛନ୍ତି ଅଷ୍ଟ୍ରେଲିଆ କ୍ରିକେଟ୍ ଟିମ୍ । କିନ୍ତୁ ପାକିସ୍ତାନ ଗସ୍ତ ପାଇଁ ଅଷ୍ଟ୍ରେଲିଆ ଦଳର କିଛି ବରିଷ୍ଠ ଖେଳାଳି ଅସନ୍ତୋଷ ଅନୁଭବ କରୁଛନ୍ତି। ଜାନୁଆରୀ ୨୫ ରେ, ଅଷ୍ଟ୍ରେଲିଆ କ୍ରିକେଟ୍ ସୂଚନା ଦେଇଥିଲା ଯେ, ଅଷ୍ଟ୍ରେଲିଆ ନିଜର ପୂର୍ଣ୍ଣ ଶକ୍ତି ଦଳ ସହିତ ପାକିସ୍ତାନ ଗସ୍ତରେ ଯିବ ।
ମାତ୍ର ଗୋଟିଏ ଦିନ ପରେ, ଗଣମାଧ୍ୟମର ରିପୋର୍ଟ ଅନୁଯାୟୀ, ଅଷ୍ଟ୍ରେଲିଆର ଏହି ଗସ୍ତ ଉପରେ ଧିରେ ଧିରେ ସନ୍ଦେହ ବଢିବାରେ ଲାଗିଛି । ସମ୍ପ୍ରତି ଲାହୋର ବିସ୍ଫୋରଣ ହେତୁ କିଛି ଅଷ୍ଟ୍ରେଲୀୟ ଖେଳାଳି ସୁରକ୍ଷାକୁ ନେଇ ପାକିସ୍ତାନ ଗସ୍ତକୁ ନେଇ ଚିନ୍ତିତ ଅଛନ୍ତି। ଅଷ୍ଟ୍ରେଲିଆର ଖେଳାଳିଙ୍କ ସୁରକ୍ଷାକୁ ପ୍ରାଥମିକତା ଦିଆଯିବ ବୋଲି ଅଷ୍ଟ୍ରେଲିଆ କ୍ରିକେଟ୍ ଏକ ବିବୃତ୍ତିରେ କହିଛି। ଅଷ୍ଟ୍ରେଲିଆ ବୋର୍ଡ ମଧ୍ୟ ଏହି ବିବୃତ୍ତିରେ ସୂଚନା ଦେଇଛି ଯେ, ଏହା ଏବଂ ପାକିସ୍ତାନ କ୍ରିକେଟ୍ ବୋର୍ଡ ସୁରକ୍ଷା ଏବଂ ସିରିଜ୍ ସମ୍ବନ୍ଧରେ ଉଭୟ ସରକାରଙ୍କ ସହିତ ମିଳିତ ଭାବେ କାର୍ୟ୍ୟ କରୁଛନ୍ତି।
ଅକ୍ଟୋବର-ନଭେମ୍ବର ୧୯୯୮ ରେ ଅଷ୍ଟ୍ରେଲିଆ ଶେଷ ଥର ପାଇଁ ପାକିସ୍ତାନ ଗସ୍ତ କରିଥିଲା । ୨୪ ବର୍ଷ ପରେ ଅଷ୍ଟ୍ରେଲିଆ ପୁଣି ଥରେ ପାକିସ୍ତାନ ଗସ୍ତରେ ଯାଉଛି। ଅଷ୍ଟ୍ରେଲିଆର ମୁଖ୍ୟ ଚୟନକର୍ତ୍ତା ଜର୍ଜ ବେଲି କହିଛନ୍ତି ଯେ ବର୍ତ୍ତମାନ ଉଭୟ ବୋର୍ଡ ସିରିଜ୍ ଏବଂ ଟୁର୍ ଫାଇନାଲ୍ କରିବାରେ ବ୍ୟସ୍ତ ଅଛନ୍ତି, ସବୁକିଛି ସ୍ଥିର ହେବା ମାତ୍ରେ ଏହାକୁ ଆନୁଷ୍ଠାନିକ ଭାବେ ଘୋଷଣା କରାଯିବ ଏବଂ ଏହା ପରେ ଦଳ ମଧ୍ୟ ଘୋଷଣା କରାଯିବ।
