(ଦ କୁଇଭର): ମହାରାଷ୍ଟ୍ରରେ ବଢୁଛି ବାର୍ଡ ଫ୍ଲୁ ଆତଙ୍କ । ମହାରାଷ୍ଟ୍ରର ଠାଣେରେ ୧୦୦ କୁକୁଡ଼ାଙ୍କର ହଠାତ୍ ମୃତ୍ୟୁ ଜିଲ୍ଲା ପ୍ରଶାସନର ଚିନ୍ତା ବଢାଇ ଦେଇଛି। ଏତେ ସଂଖ୍ୟକ କୁକୁଡ଼ାଙ୍କ ମୃତ୍ୟୁ ହେତୁ ଜିଲ୍ଲାରେ ପକ୍ଷୀ ଫ୍ଲୁ ଭୟ ପୁଣି ବଢିବାରେ ଲାଗିଛି। ଏଭଳି ପରିସ୍ଥିତିରେ ଏଠାରେ ୨୫ ହଜାରରୁ ଅଧିକ କୁକୁଡ଼ା ମାରିବା ପାଇଁ ନିର୍ଦ୍ଦେଶ ଦିଆଯାଇଛି।
ନ୍ୟୁଜ୍ ଏଜେନ୍ସି ଏନଏନଆଇର ସୂଚନା ଅନୁଯାୟୀ, ଠାଣେର ଶାହପୁର ତହସିଲର ଭେହୋଲି ଗ୍ରାମରେ ଅବସ୍ଥିତ ଏକ କୁକୁଡ଼ା ଫାର୍ମରେ ୧୦୦ କୁକୁଡ଼ାଙ୍କର ମୃତ୍ୟୁ ଘଟିଛି। ଏହା ପରେ ପୁଣେରେ ଅବସ୍ଥିତ ଲ୍ୟାବକୁ ଜିଲ୍ଲା ପ୍ରଶାସନ ମୃତ କୁକୁଡ଼ାଙ୍କ ନମୁନା ପଠାଇଛି। ଥାନା ଜିଲ୍ଲା କଲେକ୍ଟର ରାଜେଶ ଜେ ନରଭେକର ଶୁକ୍ରବାର ଦିନ କହିଛନ୍ତି ଯେ, ସଂକ୍ରମଣର ସମ୍ଭାବନାକୁ ଦୃଷ୍ଟିରେ ରଖି କୁକୁଡ଼ା ଚାଷର ଏକ କିଲୋମିଟର ଦୂରତା ମଧ୍ୟରେ ଆସୁଥିବା ୨୫ ହଜାରରୁ ଅଧିକ ପକ୍ଷୀଙ୍କୁ ମାରିବା ପାଇଁ ନିର୍ଦ୍ଦେଶ ଦିଆଯାଇଛି।