(ଦ କୁଇଭର): ଆଜି ହେଉଛି ଫେବୃଆରି ୧୯ ତାରିଖ , ଆଜିର ଦିନକୁ ଛତ୍ରପତି ଶିବାଜୀ ମହାରାଜ ଜୟନ୍ତୀରୂପେ ପାଳନ କରାଯାଏ । ମହାରାଷ୍ଟ୍ରର ଶାସକ ଛତ୍ରପତି ଶିବାଜୀ ମହାରାଜଙ୍କ ଗୌରବ କେବଳ ମହାରାଷ୍ଟ୍ରରେ ସୀମାରେ ନୁହେଁ ତାଙ୍କ ବୀରତ୍ୱର କାହାଣୀ ସାରା ଭାରତ ବର୍ଷରେ ପରିଚିତ । ସେ ଇତିହାସ ପାଠ୍ୟରେ ହେଉ ବା ଆନେକ ଚଳଚ୍ଚିତ୍ର ବା ଟିଭି ଶୋ ସବୁଠି ତାଙ୍କର ବୀରତ୍ୱର ମହିମା ଜାଣିବାକୁ ମିଳେ । ଭାରତରେ ମୋଗଲ ରାଜବଂଶ ସମୟରେ ମରାଠା ସାମ୍ରାଜ୍ୟକୁ ପୁନର୍ଜୀବିତ କରିବାରେ ଶିବାଜୀ ମହାରାଜଙ୍କ ଉଦ୍ୟମ ଏବଂ ଅବଦାନ ଉଲ୍ଲେଖନୀୟ । ଛତ୍ରପତି ଶିବାଜୀ ମହାରାଜଙ୍କ ଚିନ୍ତାଧାରା ଅନେକ ଯୁବକମାନଙ୍କ ପାଇଁ ପ୍ରେରଣା ଅଟେ । ତାଙ୍କର ମହାନତା ଏବଂ ସାହସିକତା, ମୋଗଲ ସମ୍ରାଟ ଔରଙ୍ଗଜେବଙ୍କ ସହ ସଂଗ୍ରାମ, ଜେଲରୁ ପଳାଇବା, ଅନ୍ୟ ରୋମାଞ୍ଚକର କାହାଣୀ ମଧ୍ୟରେ ଲୋକଙ୍କୁ ଶିବାଜୀ ମହାରାଜଙ୍କ ପାଇଁ ପ୍ରେରଣା ଯୋଗାଇଥାଏ ।
ମହାତ୍ମା ଜ୍ୟୋତିରାଓ ଫୁଲେ ୧୮୭୦ ମସିହାରେ ଶିବାଜୀ ଜୟନ୍ତୀ ଘୋଷଣା କରିଥିଲେ । ଶିବାଜୀ ମହାରାଜାଙ୍କ ସମାଦେୟ ପୁଣେ ଠାରୁ ପ୍ରାୟ ୧୦୦ କିଲୋମିଟର ଦୂରରେ ଥିବା ରାୟଗଡ ଜିଲ୍ଲାରେ ଅବସ୍ଥିତ । ପୁଣେ ସହରରେ ପ୍ରଥମ ଶିବାଜୀ ଜୟନ୍ତୀ ଉତ୍ସବ ଆୟୋଜିତ ହୋଇଥିଲା । ପରେ ସ୍ୱାଧୀନତା ସଂଗ୍ରାମୀ ବାଲ ଗଙ୍ଗାଧର ତିଲକ ଶିବାଜୀ ଜୟନ୍ତୀଙ୍କୁ ଲୋକପ୍ରିୟ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ କାରଣ ସେ ଲୋକମାନଙ୍କ ମଧ୍ୟରେ ଛତ୍ରପତି ଶିବାଜୀ ମହାରାଜଙ୍କ ସଫଳତାକୁ ସକ୍ରିୟ ଭାବରେ ଆଲୋକିତ କରିଥିଲେ। ତେଣୁ ଛତ୍ରପତି ଶିବାଜୀ ମହାରାଜଙ୍କ ଜନ୍ମ ବାର୍ଷିକୀ ପ୍ରତିବର୍ଷ ୧୯ ଫେବୃଆରୀରେ ପାଳନ କରାଯାଏ। ପ୍ରତିବର୍ଷ ଶିବାଜୀ ଜୟନ୍ତୀରେ ଭାରତୀୟ ମହାରାଷ୍ଟ୍ର ଏକ ସାଧାରଣ ଛୁଟିଦିନ ପାଳନ କରିଥାଏ। ଆଜିର ଦିନକୁ ତାଙ୍କ ୩୯୨ ତମ ଜନ୍ମ ବାର୍ଷିକୀକୁ ଅତି ଉତ୍ସାହ ଓ ଗର୍ବର ସହିତ ପାଳନ କରୁଛି ଦେଶ ।