(ଦ କୁଇଭର): କଥା ରଖିଲେ କେଜ୍ରିୱାଲ୍ । ପଞ୍ଜାବର ଲୋକଙ୍କୁ ଦିଆଯାଇଥିବା ଗ୍ୟାରେଣ୍ଟି କାର୍ୟ୍ୟକାରୀ କରିବାକୁ ଆମ୍ ଆଦମୀ ପାର୍ଟି ପ୍ରସ୍ତୁତ ହୋଇଛି। ସ୍ୱାସ୍ଥ୍ୟ ଏବଂ ଶିକ୍ଷା ଭିତ୍ତିଭୂମି ପାଇଁ ଏକ ରୋଡମ୍ୟାପ ପ୍ରସ୍ତୁତ କରିବା ଏବଂ ସମସ୍ତଙ୍କୁ ୩୦୦ ୟୁନିଟ୍ ମାଗଣା ବିଦ୍ୟୁତ ସୁନିଶ୍ଚିତ କରିବା ପାଇଁ ଦଳ ପ୍ରୟାସ ଆରମ୍ଭ କରିଥିବା ଜଣାଯାଇଛି। ଆମ୍ ଆଦମୀ ପାର୍ଟିର ସୂତ୍ରରୁ ପ୍ରକାଶ ଯେ, ଯଦିଓ ଏକ ଶପଥ ଗ୍ରହଣ ସମାରୋହକୁ ସୁନିଶ୍ଚିତ କରିବା ଉପରେ ସରକାରଙ୍କର ପ୍ରାଥମିକ ଧ୍ୟାନ ଦିଆଯାଇଛି, ତଥାପି ଶିକ୍ଷା ଏବଂ ସ୍ୱାସ୍ଥ୍ୟ ନୀତି ପାଇଁ ନିର୍ଦ୍ଦେଶନାମା ପ୍ରସ୍ତୁତ କରିବା ପାଇଁ ଦଳର ବରିଷ୍ଠ ଅଧିକାରୀମାନେ ନିରନ୍ତର ଚେଷ୍ଟା କରୁଛନ୍ତି ।
୩୦୦ ୟୁନିଟ୍ ମାଗଣା ବିଦ୍ୟୁତ୍ ଯୋଗାଇବା ପାଇଁ ଆପର ପ୍ରତିଷ୍ଠାତା ଅରବିନ୍ଦ କେଜ୍ରିୱାଲଙ୍କ ଦ୍ୱାରା ଦିଆଯାଇଥିବା ପ୍ରଥମ ଗ୍ୟାରେଣ୍ଟି ଏପ୍ରିଲ ୧ ରୁ କାର୍ୟ୍ୟକାରୀ ହେବାର ସମ୍ଭାବନା ଅଛି । ପ୍ରତ୍ୟେକ ବର୍ଗର ମୋଟ ଗ୍ରାହକଙ୍କ ସଂଖ୍ୟା ଏବଂ ବିଦ୍ୟୁତ୍ ସବସିଡି ବିଲ୍ ଉପରେ ତଥ୍ୟ ସଂଗ୍ରହ ହୋଇସାରିଛି । ଏକ ରିପୋର୍ଟ ଅନୁଯାୟୀ, ରାଜ୍ୟରେ ୭୩ ଲକ୍ଷ ଘରୋଇ ଉପଭୋକ୍ତା, ୧୪ ଲକ୍ଷ କୃଷି ଗ୍ରାହକ (ଯେଉଁମାନେ ମାଗଣା ବିଦ୍ୟୁତ ଯୋଗାଣ ପାଆନ୍ତି), ୧୧.୫୦ ଲକ୍ଷ ବାଣିଜ୍ୟିକ ଗ୍ରାହକ ଏବଂ ୧.୫୦ ଲକ୍ଷ ଶିଳ୍ପ ଉପଭୋକ୍ତାଙ୍କ ସମେତ ରାଜ୍ୟରେ ୧ କୋଟି ବିଦ୍ୟୁତ ଉପଭୋକ୍ତା ଅଛନ୍ତି। ସରକାରଙ୍କ ବାର୍ଷିକ ବିଦ୍ୟୁତ ସବସିଡି ବିଲ୍ ହେଉଛି ୧୦,୦୦୦ କୋଟି ଟଙ୍କା, ଯେଉଁଥିରେ କେବଳ ଚାଷୀଙ୍କୁ ବିଦ୍ୟୁତ ସବସିଡି ହିସାବରେ ୭,୧୮୦ କୋଟି ଟଙ୍କା ଅନ୍ତର୍ଭୁକ୍ତ ।
କୁହାଯାଉଛି ଯେ, ଦଳର ବରିଷ୍ଠ ଅଧିକାରୀମାନେ ମଧ୍ୟ ଆର୍ଥିକ ପରିସ୍ଥିତି ଉପରେ ଦୃଷ୍ଟି ଦେଉଛନ୍ତି। ତେବେ ସୌଭାଗ୍ୟବଶତଃ, ଆପର ରାଜକୋଷରେ ହଜାରେ କୋଟି ମୂଲ୍ୟର କୌଣସି ବିଚାରାଧୀନ ବିଲ୍ ବାକି ନାହିଁ । ତେଣୁ ଏହି ଯୋଜାନା ଏପ୍ରିଲ ୧ରୁ କାର୍ଯ୍ୟକାରୀ ହେବାକୁ ଯାଉଛି ।
