ନୂଆଦିଲ୍ଲୀ (ଦ କୁଇଭର): ଏକ ରିପୋର୍ଟ ଅନୁଯାୟୀ ଚୀନର ନାଗରିକମାନଙ୍କୁ ଦିଆଯାଇଥିବା ଟୁରିଷ୍ଟ ଭିସାକୁ ଭାରତ ବାତିଲ କରିଦେଇଛି। ତଥାପି, ଲୋକଙ୍କୁ ଚାଇନାକୁ ବ୍ୟବସାୟ, ରୋଜଗାର ଆଦି ପାଇଁ ସରକାରୀ ଭିସା ଦିଆଯାଉଛି । ବାସ୍ତବରେ, କୋରୋନା କାରଣରୁ ୨୦,୦୦୦ ରୁ ଅଧିକ ଭାରତୀୟ ଛାତ୍ର ଚାଇନାରୁ ଫେରି ଆସିଥିଲେ । ସେମାନଙ୍କୁ ବର୍ତ୍ତମାନ ପରୟୟ୍କାନ୍ତ ଚାଇନାକୁ ଫେରିବାକୁ ଅନୁମତି ଦିଆଯାଇ ନାହିଁ । ଏହାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ଚୀନ୍ ପାକିସ୍ଥାନ, ଥାଇଲ୍ୟାଣ୍ଡ ଏବଂ ଶ୍ରୀଲଙ୍କାର ଛାତ୍ରମାନଙ୍କୁ ଫେରିବାକୁ ଅନୁମତି ଦେଇଛି । କିନ୍ତୁ ଭାରତୀୟ ଛାତ୍ରମାନଙ୍କୁ ଅପେକ୍ଷା କରିଛି।
ଚୀନ୍ରେ କୋଭିଡ୍ ସଂକ୍ରମଣ ଯେଉଁଭଳି ଭାବେ ବଢ଼ି ଚାଲିଛି ତାହାକୁ ଆଖି ଆଗରେ ରଖି ଭାରତ ସରକାର ଉପରୋକ୍ତ ନିଷ୍ପତ୍ତି ନେଇଛନ୍ତି । ଏବେ ଚୀନ୍ର ବିଭିନ୍ନ ବଡ଼ ବଡ଼ ସହରରେ ଲକ୍ଡାଉନ୍ ଲାଗି ଥିବା ବେଳେ ଲୋକଙ୍କୁ ଘରୁ ନବାହାରିବା ପାଇଁ କଡ଼ା ନିର୍ଦ୍ଦେଶ ଦେଇଛି ଜିନ୍ପିଙ୍ଗ୍ ସରକାର । ଏପରିକି ଲୋକଙ୍କ ଘରୁ ଖାଦ୍ୟ ପାନୀୟ ଏବଂ ବହୁ ଜରୁରୀ ସାମଗ୍ରୀ ଶେଷ ହୋଇଥିଲେ ମଧ୍ୟ ସେମାନେ ଘରୁ ବାହାରକୁ ଆସିପାରୁନାହାନ୍ତି ।
କେବଳ ଝରକା ପଟେ କରୁଣ ଚିତ୍କାର କରି ଲକ୍ଡାଉନ୍ ହଟାଇବା ପାଇଁ ହୋହାଲ୍ଲା କରୁଛନ୍ତି । ପ୍ରତି ଛକ ବଜାର ସମେତ ବିଭିନ୍ନ ଫ୍ଲାଟ୍ ଆଗରେ ସୁରକ୍ଷା କର୍ମୀମାନେ କଡ଼ା ପ୍ରହରା ଦେଉଛନ୍ତି । ଏମିତିକି ବର୍ତ୍ତମାନ ଡାକ୍ତରଖାନାନା ଗୁଡ଼ିକରେ ବେଡ୍ର ଅଭାବ ଯୋଗୁ ଲୋକେ ଡାକ୍ତରଖାନାରେ ଭର୍ତ୍ତି ମଧ୍ୟ ହୋଇପାରୁନାହାନ୍ତି । ଗୋଟିଏ ପଟେ ଲକ୍ଡାଉନ୍ ସମସ୍ୟା ଏବଂ ଅନ୍ୟପଟେ ଆମ୍ବୁଲାନ୍ସ ନମିଳିବାକୁ ନେଇ ଚୀନ୍ ଲୋକେ ଚିନ୍ତାରେ ପଡ଼ିଛନ୍ତି ।
