ନୂଆଦିଲ୍ଲୀ (ଦ କୁଇଭର): କରୋନାର ଚତୁର୍ଥ ଲହରକୁ ନେଇ ଆଶଙ୍କା ବଢୁଥିବା ବେଳେ ବଡ ନିଷ୍ପତି ନେଇଛି ଡିସିଜିଆଇ । ୬ ରୁ ୧୨ ବର୍ଷ ବୟସର ପିଲାମାନଙ୍କ ଉପରେ ଜରୁରୀକାଳୀନ ବ୍ୟବହାର ପାଇଁ ଭରତ ବାୟୋଟେକର କୋଭାକ୍ସିନକୁ ସବୁଜ ସଙ୍କେତ ଦେଇଛି। ଏଣିକି କରୋନା ଟିକା ନେଇ ପାରିବେ ୬ରୁ ୧୨ବର୍ଷର ପିଲା । ‘କୋଭାକ୍ସିନ’ ଟିକା ଭାରତ ବାୟୋଟିକ୍ ଦ୍ୱାରା ପ୍ରସ୍ତୁତ ହୋଇଛି ।
ମାର୍ଚ୍ଚ ମାସରେ, ୧୨ ରୁ ୧୫ ବର୍ଷ ବୟସର ପିଲାମାନଙ୍କୁ କୋଭିଡଙ୍କ ଉପରେ ଟିକା ଦିଆଯାଇଥିଲା। ବର୍ତ୍ତମାନ DCGI ୬ ରୁ ୧୨ ବର୍ଷ ବୟସର ପିଲାମାନଙ୍କ ପାଇଁ କୋଭାକ୍ସିନ୍ ଟିକା ଦେବାକୁ ନିଷ୍ପତ୍ତି ନେଇଛି । ତେବେ କରୋନାର ପୂର୍ବ ଲହର ଗୁଡ଼ିକରେ ପିଲାମାନଙ୍କ ଉପରେ ବିଶେଷ ପ୍ରଭାବ ପଡ଼ିନଥିଲା । ହେଲେ ଚତୁର୍ଥ ଲହରରେ ପିଲାମାନେ କରୋନାର ନୂଆ ଏକ୍ସଇ ଭାରିଆଣ୍ଟ ଦ୍ଵାରା ଅଧିକ ପ୍ରଭାବିତ ହେବେ ବୋଲି ଅନୁମାନ କରାଯାଉଛି।
ଏଥିସହିତ, ନ୍ୟୁଜ୍ ଏଜେନ୍ସି ANI ସୂତ୍ରରୁ ପ୍ରକାଶ ଯେ ଡ୍ରଗ୍ସ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ ଯଥା DCGI ମଧ୍ୟ ୫ ରୁ ୧୨ ବର୍ଷ ବୟସର ପିଲାମାନଙ୍କୁ ଜରୁରୀକାଳୀନ ବ୍ୟବହାର ପାଇଁ କରବେଭ୍ୟାକ୍ସ ଟିକା ପ୍ରୟୋଗ କରିବାକୁ ଅନୁମତି ଦେଇଛି।
ସ୍ଵାସ୍ଥ୍ୟ ବିଶେଷଜ୍ଞଙ୍କ କହିବା ଅନୁଯାୟୀ, ଗତ ତିନି ସପ୍ତାହ ମଧ୍ୟରେ ପିଲାମାନଙ୍କ ମଧ୍ୟରେ ଫ୍ଲୁ ଭଳି ଲକ୍ଷଣ ଦେଖିବାକୁ ମିଳୁଛି। ବିଶେଷ କରି ସ୍କୁଲ, କଲେଜ ଖୋଲିବା ପରେ ପିଲାମାନଙ୍କ ମଧ୍ୟରେ ସଂକ୍ରମଣ ବଢିବାର ଆଶଙ୍କା ରହିଛି। ଏହା ପୂର୍ବରୁ ୧୨ ରୁ ୧୫ ବୟସ୍କର ପିଲାମାନଙ୍କୁ କୋଭିଡ୍ ଭ୍ୟାକ୍ସିନ୍ ଦିଆଯାଇଥିଲା। ଏବେ ଡିସିଜିଆଇ ୬ ରୁ ୧୨ ବର୍ଷର ପିଲାମାନଙ୍କୁ କୋଭାକ୍ସିନ୍ ଟିକା ଦେବାକୁ ଅନୁମତି ଦେଇଛି।