(ଦ କୁଇଭର ବ୍ୟୁରୋ): ମୁଖ୍ୟମନ୍ତ୍ରୀ ଭଗୱନ୍ତ ମାନଙ୍କ ନେତୃତ୍ୟୁରେ ପଞ୍ଜାବ ସରକାର ରାଜ୍ୟରେ ୪୨୪ ଜଣଙ୍କୁ ଦିଆଯାଇଥିବା ସୁରକ୍ଷା ପ୍ରତ୍ୟାହାର କରିନେଇଛନ୍ତି । ଯେଉଁମାନଙ୍କର ସୁରକ୍ଷା ପ୍ରତ୍ୟାହାର କରାଯାଇଛି ସେମାନଙ୍କ ମଧ୍ୟରେ ଅନେକ ଅବସରପ୍ରାପ୍ତ ପୋଲିସ ଅଧିକାରୀ, ଧାର୍ମିକ ନେତା ଏବଂ ରାଜନୈତିକ ବ୍ୟକ୍ତି ଅଛନ୍ତି । ଏହା ପୂର୍ବରୁ ଏପ୍ରିଲରେ ପଞ୍ଜାବ ସରକାର ପୂର୍ବତନ ମନ୍ତ୍ରୀ, ପୂର୍ବତନ ବିଧାୟକ ତଥା ଅନ୍ୟ ନେତାଙ୍କ ସମେତ ୧୮୪ ଜଣଙ୍କ ସୁରକ୍ଷା ପ୍ରତ୍ୟାହାର କରିବାକୁ ନିର୍ଦ୍ଦେଶ ଦେଇଥିଲେ ।
ସୂଚନାନୁସାରେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନି, କ୍ୟାପଟେନ ଅମରିନ୍ଦର ସିଂଙ୍କ ପୁଅ ରାନିନ୍ଦର ସିଂ ଏବଂ କଂଗ୍ରେସ ବିଧାୟକ ପାର୍ଟପ ସିଂ ବାଜୱେୟାରଙ୍କ ପନ୍ତ୍ରୀଙ୍କ ସୁରକ୍ଷା ଗତମାସରେ ପ୍ରତ୍ୟାହାର କରି ନିଆଯାଇଛି । ସୁରକ୍ଷା ପ୍ରତ୍ୟାହାରର ମୁଖ୍ୟ କାରଣ ହେଉଛି ପଞ୍ଜାବ ପୋଲିସ କର୍ମଚାରୀଙ୍କ ଅଭାବର ସମ୍ମୁଖୀନ ହେଉଛନ୍ତି । ଏଭଳି ପରିସ୍ଥିତିରେ ଆଇନ ଶୃଙ୍ଖଳା ବଜାୟ ରଖିବା ପାଇଁ ସାଧାରଣ ସ୍ଥାନରେ ସୁରକ୍ଷା କର୍ମୀଙ୍କ ଅଭାବ ପୂରଣ କରିବା କଷ୍ଟକର ହୋଇପଡୁଛି ।
ଏଥିସହ ପଞ୍ଜାବରେ ସୁରକ୍ଷାକୁ ଆହୁରି ମଜବୁତ କରିବା ପାଇଁ ପ୍ରାୟ ୨୦୦୦ ଅତିରିକ୍ତ ପାରାମିଲିଟାରୀ କର୍ମଚାରୀ ନିୟୋଜିତ ହେବେ କାରଣ ରାଜ୍ୟରେ ଅଶାନ୍ତି ସୃଷ୍ଟି କରିବାକୁ ଚେଷ୍ଟା କରୁଥିବା ନିୟମିତ ଖବର ସାମ୍ନାକୁ ଆସୁଛି । ତେଣୁ ବୁଧବାର ପଞ୍ଜାବର ମୁଖ୍ୟମମନ୍ତ୍ରୀ ଭଗୱନ୍ତ ମାନ ଏହି ସୂଚନା ଦେଇଛନ୍ତି ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସହ ସାକ୍ଷାତ ପରେ ମାନ ଏହା କହିଛନ୍ତି, ଯାହା ତାଙ୍କୁ କେନ୍ଦ୍ର ସରକାରଙ୍କ ସମସ୍ତ ସାହାର୍ଯ୍ୟର ଆଶ୍ୱାସନା ଦେଇଛନ୍ତି । ମାନ କହିଛନ୍ତି ଯେ ଗୃହମନ୍ତ୍ରୀ ତାଙ୍କୁ କହିଛନ୍ତି ଯେ ଜାତୀୟ ସୁରକ୍ଷା ଉପରେ କୈଣସି ଆପୋଷ ବୁଝାବଣା ନାହିଁ, ଏହା ଦଳ ରାଜନୀତିଠାରୁ ଅଧିକ ଏବଂ ପଞ୍ଜାବ ସରକାରଙ୍କୁ କେନ୍ଦ୍ର ସରକାର ସମସ୍ତ ସାହାର୍ଯ୍ୟ ଯୋଗାଇ ଦେବେ ବୋଲି ପ୍ରତିଶୃତି ଦେଇଛନ୍ତି ।
