ଉପରାଷ୍ଟ୍ରପତି ପଦ ପାଇଁ ଦୌଡରେ ଏହି ନାଁ: ଆଜି ପ୍ରାର୍ଥୀ ଘୋଷଣା କରିପାରେ ବିଜେପି

ନୂଆଦିଲ୍ଲୀ (ଦ କୁଇଭର): ଆଗକୁ ରାଷ୍ଟ୍ରପତି ନିର୍ବାଚନ । ଏହାପରେ ହେବ ଉପରାଷ୍ଟ୍ରପତି ନିର୍ବାଚନ । ଉପରାଷ୍ଟ୍ରପତି ପଦ ପାଇଁ କିଏ ହେବ ପ୍ରାର୍ଥୀ ସେ ନେଇ କଳ୍ପନାଜଳ୍ପନା ଚାଲିଛି । ଆଜି ସଂସଦୀୟ ବୋର୍ଡର ଏକ ବୈଠକ ଡକାଯାଇଛି । କୁହାଯାଉଛି ଯେ ଏହି ନିର୍ବାଚନରେ ବିଜେପି ମଧ୍ୟ ଆଗ ଶ୍ରେଣୀର ଯେକୈଣସି ଚେହେରା ଉପରେ ବାଜି ଲଗାଇପାରେ ।

ସୂଚନାନୁସାରେ ଉପରାଷ୍ଟ୍ରପତି ନିର୍ବାଚନରେ ନିଜର ପ୍ରାର୍ଥୀଙ୍କୁ ଜିତାଇବା ପାଇଁ ବିଜେପି ନେତୃତ୍ବାଧିନ ଏନଡିଏପାଖରେ ପର୍ୟ୍ୟାପ୍ତ ସଂଖ୍ୟାବଳ ରହିଛି । ଏହା ବ୍ୟତୀତ ରାଷ୍ଟ୍ରପତି ନିର୍ବାଚନ ପରି ଏହି ନିର୍ବାଚନରେ ମଧ୍ୟ ବିଜେପି ଏବଂ YSR କଂଗ୍ରେସ ଭଳି କିଛି ଅଣ-କଂଗ୍ରେସ ବିରୋଧୀ ଦଳର ସମର୍ଥନ ପାଇବ ବୋଲି ବିଜେପି ନିଶ୍ଚିତ ହୋଇ ରହିଛି। ବିଶେଷ ସୂତ୍ରରୁ ମିଳିଥିବା ଖବର ମୁତାବକ ସଂସଦୀୟ ବୋର୍ଡର ବୈଠକ ପରେ ବିଜେପି ପ୍ରାର୍ଥିଙ୍କ ନାଁ ଘୋଷଣା କରିପାରେ। ସଂସଦୀୟ ବୈଠକ ପୂର୍ବରୁ ବା ତାହାରି ଭିତରେ ସହଯୋଗୀ ମାନଙ୍କୁ ଏହି ଫସଲା ବିଷୟରେ ସୂଚନା ଦେଇଦିଆଯିବ।

ଉପରାଷ୍ଟ୍ରପତି ପଦ ପାଇଁ ଆଶାୟୀ ପ୍ରାର୍ଥୀଙ୍କ ମଧ୍ୟରୁ କିଛି ଗୁରୁତ୍ବପୂର୍ଣ୍ଣ ନାଁକୁ ନେଇ ଚର୍ଚ୍ଚା ହେଉଛି । ନିକଟରେ ସଂଖ୍ୟାଲଘୁ କଲ୍ୟାଣ ମନ୍ତ୍ରଣାଳୟରୁ ଇସ୍ତଫା ଦେଇଥିବା ମୁଖତାର ଅବ୍ବାସ ନକଭି, କେରଳ ରାଜ୍ୟପାଳ ଆରିଫ ମହମ୍ମଦ ଖାନଙ୍କ ନାମ ଉପରାଷ୍ଟ୍ରପତି ପଦ ପାଇଁ ଚର୍ଚ୍ଚା ହେଉଛି । ଏହି କ୍ରମରେ ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ଼ଙ୍କ ନାମ ଉପରେ ମଧ୍ୟ ଆଲୋଚନା ହେଉଛି । ଦେଖିବାର କଥା ବିଜେପି ଓ ବିରୋଧିଙ୍କ ପକ୍ଷରୁ କିଏ ରାଷ୍ଟ୍ରପତି ପଦରେ ରହୁଛନ୍ତି ।

ଅଗଷ୍ଟ ୬ ତାରିଖରେ ହେବ ଉପରାଷ୍ଟ୍ରପତି ନିର୍ବାଚନ । ଜୁଲାଇ ୧୯ ତାରିଖ ପର୍ୟ୍ୟନ୍ତ ନାମାଙ୍କନ ପତ୍ର ଦାଖଲ କରାଯିବ। ୨୦ ତାରିଖ ସୁଦ୍ଧା ପ୍ରାର୍ଥୀ ପତ୍ର ଯାଞ୍ଚ କରାଯାଇ ୨୨ ତାରିଖ ସୁଦ୍ଧା ପ୍ରତ୍ୟାହାର କରାଯାଇପାରିବ । ଏହାପରେ ଅଗଷ୍ଟ ୬ ତାରିଖରେ ସକାଳ ୧୦ଟାରୁ ସଂଧ୍ୟା ୫ଟା ସୁଦ୍ଧା ଭୋଟ୍ ଗହଣ ହେବ ।

Leave a Reply

Your email address will not be published. Required fields are marked *