ନୂଆଦିଲ୍ଲୀ (ଦ କୁଇଭର) ବିଶ୍ୱର ଦ୍ୱିତୀୟ ଧନୀବ୍ୱ୍ୟକ୍ତି ହେଲେ ଗୌତମ ଆଦାନୀ । ବର୍ତ୍ତମାନ ସେ ତାଙ୍କ ସଫଳତା ପାଇଁ ଆଉ ଏକ ରେକର୍ଡ ଯୋଡିଛନ୍ତି । ସେ ଦୁନିଆର ଦ୍ୱିତୀୟ ଧନୀ ବ୍ୟକ୍ତି ହୋଇଛନ୍ତି। ବର୍ତ୍ତମାନ ଦୁନିଆର ସବୁଠାରୁ ଧନୀ ବ୍ୟକ୍ତି ଏଲୋନ୍ ମସ୍କଙ୍କ ପରେ ଗୌତମ ଆଦାନୀ ଏକ ନମ୍ବର ସ୍ଥାନରେ ଅଛନ୍ତି । ଫୋର୍ବସ୍ ରିଅଲ୍ ଟାଇମ୍ ବିଲିୟନେୟାର ଇଣ୍ଡେକ୍ସ ଅନୁଯାୟୀ ସେ ଦ୍ୱିତୀୟ ସ୍ଥାନ ବର୍ନାର୍ଡ ଆର୍ନାଲ୍ଟଙ୍କୁ ପଛରେ ପକାଇ ଏହି ପଦ ହାସଲ କରିଛନ୍ତି। ଦ୍ୱିତୀୟ ନମ୍ବର ପାଇଁ ଦୁହିଁଙ୍କ ମଧ୍ୟରେ କଡ଼ା ପ୍ରତିଯୋଗିତା ଚାଲିଛି । କେତେବେଳେ ଆଦାନୀ ଆଗରେ ରହୁଛନ୍ତି ତ କେତେବେଳେ ଫ୍ରାନ୍ସର ଶିଳ୍ପପତି ବର୍ନାର୍ଡ ଆର୍ନାଲ୍ଟ୍ । ଏଥି ସହିତ, ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ ଗୌତମ ଆଦାନୀ ତୃତୀୟ ସ୍ଥାନରେ ରହିଛନ୍ତି ।
ବିଲିୟନେୟାର ଇଣ୍ଡେକ୍ସ ତାଲିକାଅନୁସାରେ ଆଦାନୀଙ୍କର ନିଟ୍ ମୂଲ୍ୟ ୫.୨ ବିଲିୟନ ଡ଼ଲାରରେ ବୃଦ୍ଧି ପାଇଛି ଏବଂ ତାଙ୍କର ନିଟ୍ ମୂଲ୍ୟ ୧୫୫.୫ ବିଲିୟନ ଡ଼ଲାରରେ ପହଞ୍ଚିଛି। ବର୍ତ୍ତମାନ ଏକ ନମ୍ବର ସ୍ଥାନରେ ଥିବା ଟେସଲା ମାଲିକ ଏଲୋନ୍ ମସ୍କଙ୍କ ପଛରେ ଅଛନ୍ତି, ଯାହାର ସମ୍ପତ୍ତି ୨୭୩.୫ ବିଲିୟନ ଡ଼ଲାର ରହିଛି । ଆଦାନୀଙ୍କ ପରେ, ବର୍ଣ୍ଣାଡ ଆର୍ନାଲ୍ଟ ୧୫୫.୨ ବିଲିୟନ ଡ଼ଲାରର ସମ୍ପତ୍ତି ସହିତ ତୃତୀୟ ସ୍ଥାନରେ ଅଛନ୍ତି । ଯଦି ଆମେ ରିଲାଏନ୍ସ ଚେୟାରମ୍ୟାନ୍ ମୁକେଶ ଅମ୍ବାନୀଙ୍କ ବିଷୟରେ କହିବା, ତେବେ ସେ ଏହି ତାଲିକାରେ ୯୨.୬ ବିଲିୟନ ଡ଼ଲାରରେ ଅଛନ୍ତି।
ଆଦାନୀଙ୍କ କାହାଣୀ ।
ବ୍ଲୁମବର୍ଗ ଅନୁଯାୟୀ, ଆଦାନୀ ହେଉଛି ଭାରତର ସବୁଠାରୁ ବଡ ବନ୍ଦର ଅପରେଟର, ତାପଜ କୋଇଲା ଉତ୍ପାଦକ ଏବଂ କୋଇଲା ବ୍ୟବସାୟୀ। ଆଦାନୀ ଗୁଜୁରାଟରେ ଜନ୍ମଗ୍ରହଣ କରିଥିଲେ। ସେ କଲେଜ ଛାଡିବା ପରେ କିଶୋର ଅବସ୍ଥାରେ ମୁମ୍ବାଇ ଯାଇଥିଲେ ଏବଂ ନିଜ ରାଜ୍ୟକୁ ଫେରିବା ପୂର୍ବରୁ ହୀରା ବ୍ୟବସାୟରେ କାମ କରିଥିଲେ।