ନୂଆଦିଲ୍ଲୀ (ଦ କୁଇଭର): ଦିଲ୍ଲୀରେ ଅଳିଆ ରାଜନୀତି । ବିଜେପିକୁ ଟାର୍ଗେଟ କଲେ କେଜ୍ରିୱାଲ । କୁଢ କୁଢ ଅଳିଆ ପାହଡକୁ ନେଇ ବର୍ଷିଛନ୍ତି କେଜ୍ରିୱାଲ । ଦିଲ୍ଲୀରେ ଏମସିଡି ନିର୍ବାଚନ ମଧ୍ୟରେ ଦିଲ୍ଲୀର ରାଜନୀତି ଗରମ ହେବାରେ ଲାଗିଛି। ରାଜଧାନୀ ଦିଲ୍ଲୀରେ ଖୁବ ଶୀଘ୍ର ଏମସିଡି ନିର୍ବାଚନ ଅନୁଷ୍ଠିତ ହେବାକୁ ଯାଉଛି, ଯେଉଁଥିରେ ବିଜେପି ଏବଂ ଆମ୍ ଆଦମୀ ପାର୍ଟି ମୁହାଁମୁହିଁ ହୋଇଛନ୍ତି। ଗାଜୀପୁର ଆବର୍ଜନା ପ୍ରସଙ୍ଗ ଜୋରସୋରରେ ଉଠିଛି, ଯେଉଁ କାରଣରୁ ମୁଖ୍ୟମନ୍ତ୍ରୀ ବିଜେପିକୁ କଡ଼ା ଟାର୍ଗେଟ କରି ସେମାନଙ୍କୁ କିଛି ପ୍ରଶ୍ନ ପଚାରିଥିଲେ। ସିଏମ ଗାଜିପୁରରେ ପହଞ୍ଚିବା ପରେ ବିଜେପି କର୍ମୀମାନେ “କେଜ୍ରିୱାଲ ଫେରିଯାଅ”, “କେଜ୍ରିୱାଲ ହାଇ-ହାଇ” ସ୍ଲୋଗାନ ଦେଉଛନ୍ତି।
ସୂଚନାନୁସାରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଆଜି ଗାଜୀପୁରର ଲ୍ୟାଣ୍ଡଫିଲ୍ ସାଇଟରେ ପହଞ୍ଚି ସେଠାରେ ଗଣମାଧ୍ୟମ ସହ କଥାବାର୍ତ୍ତା ବେଳେ କହିଛନ୍ତି ଯେ ଆମ ପଛରେ ଏକ ବିରାଟ ଅଳିଆ ପର୍ବତ ଅଛି। ଗତ ଗତ ୧୫ ବର୍ଷ ଧରି ଦିଲ୍ଲୀର ମ୍ୟୁନିସିପାଲିଟିରେ ବସିଥିବା ବିଜେପି ଦିଲ୍ଲୀର ସବୁଆଡେ ଅଳିଆ ଗଦା କରିଚାଲିଛି । ପୂରା ଦିଲ୍ଲୀକୁ ବିଜେପି ଦ୍ୱାରା ଏକ ଅଳିଆ ଘର କରାଯାଇଛି ।
କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ ଦିଲ୍ଲୀର ଏହି ଲୋକମାନେ ଏତେ ଖରାପ ଅବସ୍ଥା କରିଛନ୍ତି ଯେ ଦିଲ୍ଲୀ ଭିତରେ ରହିବା କଷ୍ଟକର ହୋଇପଡିଛି। ଏହା ପରେ ଅରବିନ୍ଦ କେଜ୍ରିୱାଲ ଲୋକମାନଙ୍କୁ ସମ୍ବୋଧିତ କରିବାବେଳେ କହିଥିଲେ ଯେ “ମୁଁ ବିଜେପି ସମର୍ଥକଙ୍କୁ ନିବେଦନ କରୁଛି, ଟିକେ ଚିନ୍ତା କର । ମଇଳା ଓ ଆବର୍ଜନା ପର୍ବତ ବ୍ୟତୀତ ବିଜେପି ଦିଲ୍ଲୀକୁ କଣ ଦେଇଛି ? ଥରେ ତୁମ ଦଳକୁ ଭୁଲି ଦେଶ ପାଇଁ ଭୋଟ୍ ଦିଅ।
ଲୋକମାନଙ୍କୁ ସମ୍ବୋଧିତ କରି ଅରବିନ୍ଦ କେଜ୍ରିୱାଲ କହିଛନ୍ତି ଯେ ଦିଲ୍ଲୀ ହେଉଛି ଦେଶର ରାଜଧାନୀ। ପୃଥିବୀର ବିଭିନ୍ନ ସ୍ଥାନରୁ ଲୋକମାନେ ଏଠାକୁ ଆସି ଏଠାରେ ଆବର୍ଜନା ପର୍ବତ ଦେଖନ୍ତି, ଯାହା ଅନେକ ଲଜ୍ଜାଜନକ କାରଣ ହୋଇଥାଏ । ଏହା ସହିତ ସେ କହିଛନ୍ତି ଯେ “ଯେତେବେଳେ ଆପଣ ସମଗ୍ର ବିଶ୍ୱ ତଥା ଲଣ୍ଡନ ସମେତ ଅନ୍ୟ ଦେଶକୁ ଯାଆନ୍ତି, ସେଠାରେ ପର୍ୟ୍ୟଟନ ସ୍ଥାନଗୁଡ଼ିକ ଦୃଶ୍ୟମାନ ହୁଏ, କିନ୍ତୁ ଦିଲ୍ଲୀରେ ଅଳିଆ ପର୍ବତ ଦୃଶ୍ୟମାନ ହୁଏ । ବିଜେପି ମୁଣ୍ଡ ନୁଆଁଇବାକୁ କୈଣସି ରାସ୍ତା ଛାଡି ନାହାଁନ୍ତି ଦିଲ୍ଲୀର ଲୋକମାନେ ଯଦି ଜଣେ ସମ୍ପର୍କୀୟ କିମ୍ବା ସାଙ୍ଗସାଥି ଆସନ୍ତି, ତେବେ ସମଗ୍ର ଦିଲ୍ଲୀକୁ ଏକ ଅଳିଆ ଗଦା ଭଳି ଦେଖୁଛନ୍ତି । ଏହି ଲ୍ୟାଣ୍ଡଫିଲ୍ ସାଇଟ୍ ନିକଟବର୍ତ୍ତୀ ଲୋକଙ୍କ ପାଇଁ ଅସୁବିଧା ସୃଷ୍ଟି କରୁଛି ।