ନୂଆଦିଲ୍ଲୀ (ଦ କୁଇଭର): ଚୀନ, ନେପାଳରୁ ଶ୍ରୀଲଙ୍କା ଏବଂ ବାଂଲାଦେଶରୁ ପାକିସ୍ଥାନ ପର୍ୟ୍ୟନ୍ତ ଭାରତକୁ ଅବରୋଧ କରିବାକୁ ଚେଷ୍ଟା କରୁଛି । କିନ୍ତୁ ଚୀନ୍ ର ପ୍ରତ୍ୟେକ କାରନାମା ଉପରେ ଭାରତ ମଧ୍ୟ ତୀକ୍ଷ୍ଣ ନଜର ରଖିଛି। ଚୀନ ଯେତେଥର ଭାରତ ବିରୁଦ୍ଧରେ ଷଡଯନ୍ତ୍ର କରିଛି, ଚୀନର ସବୁ ପ୍ଲାନକୁ ଭଣ୍ଡୁର କରିଛି ଭାରତ । ଶ୍ରୀଲଙ୍କାକୁ ଋଣ ଏବଂ ସହାୟତା ଦେବା ବାହାନାରେ ଚୀନ୍ର ଘନିଷ୍ଠତା ବହୁଗୁଣିତ ହୋଇଛି। ଏଥି ସହିତ ଶ୍ରୀଲଙ୍କାର ବିମୁଦ୍ରାକରଣ ସମୟରେ ଭାରତ ମଧ୍ୟ ବହୁତ ସାହାଯ୍ୟ କରିଛି। ତାୱାଙ୍ଗ ଘଟଣା ପରେ ବର୍ତ୍ତମାନ ଭାରତର ନୈସେନା ମୁଖ୍ୟ ଶ୍ରୀଲଙ୍କା ଗସ୍ତରେ ଅଛନ୍ତି। ଏହି ସମୟରେ ସୁରକ୍ଷା ଏବଂ ବାଣିଜ୍ୟ ସହ ଜଡିତ ଅନେକ ଗୁରୁତ୍ୱପୂର୍ଣ୍ଣ ରଣନୀତି ଉପରେ ଦୁଇ ଦେଶ ମଧ୍ୟରେ ଆଲୋଚନା କରାଯିବ ବୋଲି କୁହାଯାଉଛି ।
ଚାରି ଦିନିଆ ଗସ୍ତରେ ନୌସେନା ମୁଖ୍ୟ ଆଡମିରାଲ ଆର ହରି କୁମାର ଶ୍ରୀଲଙ୍କାରେ ପହଞ୍ଚିଛନ୍ତି। ନୌସେନା ମୁଖ୍ୟ ଭାରତ ଏବଂ ଶ୍ରୀଲଙ୍କା ମଧ୍ୟରେ ଥିବା ଦ୍ୱିପାକ୍ଷିକ ସାମୁଦ୍ରିକ ସମ୍ପର୍କକୁ ମଜବୁତ କରିବା ଉପରେ ଗୁରୁତ୍ୱ ଦେବେ। ଏହି ଗସ୍ତ ସମୟରେ ସାଧାରଣ ସୁରକ୍ଷା ଚିନ୍ତା ଏବଂ ଏହି ଅଞ୍ଚଳରେ ଶାନ୍ତି ସୁନିଶ୍ଚିତ କରିବା ପାଇଁ ଆଲୋଚନା କରାଯିବ ବୋଲି ବିବୃତ୍ତିରେ କୁହାଯାଇଛି ।
ଆଡମିରାଲ ହରି କୁମାର ୧୬ ଡିସେମ୍ବର ପର୍ୟ୍ୟନ୍ତ ଶ୍ରୀଲଙ୍କା ଗସ୍ତରେ ରହିବେ। ପ୍ରତିରକ୍ଷା ମନ୍ତ୍ରଣାଳୟର ପ୍ରେସ ବିବୃତ୍ତି ଅନୁଯାୟୀ ଆଡମିରାଲ ଆର ହରି କୁମାର ମୁଖ୍ୟ ଅତିଥି ଭାବରେ ଶ୍ରୀଲଙ୍କାର ତ୍ରିକୋମାଲିର ନାଭାଲ ଏବଂ ସାମୁଦ୍ରିକ ଏକାଡେମୀରେ କମିଶନ ପରେଡରେ ଯୋଗଦେବେ। ସେଠାରେ ତାଙ୍କୁ ଜଣେ ସମୀକ୍ଷା ଅଧିକାରୀ ଭାବରେ ସ୍ବାଗତ କରାଯିବ। ତାଙ୍କ ଗସ୍ତ ସମୟରେ ଆଡମିରାଲ ଶ୍ରୀଲଙ୍କା ପ୍ରତିରକ୍ଷା ଅଧିକାରୀଙ୍କ ସହ ପ୍ରତିରକ୍ଷା ସହଯୋଗ ଉପରେ ଆଲୋଚନା କରିବେ।
