(ଦ କୁଇଭର): ଜେଲ୍ ନା ବେଲ୍ । ଲାଲୁଙ୍କୁ ବେଲ୍ ମିଳିବ ନା ପୁଣି ଥରେ ଜେଲ ଯିବେ । ରାଷ୍ଟ୍ରିୟ ଜନତା ଦଳ ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ପାଇଁ ଆଜି ଏକ ଗୁରୁତ୍ୱପୂର୍ଣ୍ଣ ଦିନ । ରାଞ୍ଚିର ଡୋରାଣ୍ଡା ଟ୍ରେଜେରୀରୁ ୧୩୯.୩୫ କୋଟି ଟଙ୍କା ଆୟ ସହ ଜଡିତ ପଞ୍ଚମ ତଥା ଅନ୍ତିମ ମାମଲାରେ ଲାଲୁ ଯାଦବଙ୍କ ସମେତ ମୋଟ ୯୯ ଅଭିଯୁକ୍ତଙ୍କ ବିରୋଧରେ ଏକ ସ୍ୱତନ୍ତ୍ର ସିବିଆଇ କୋର୍ଟ ଆଜି ରାୟ ଶୁଣାଇବେ। ଏହି ମାମଲାର ଶୁଣାଣି ଗତ ମାସର ଶେଷ ସପ୍ତାହରେ ଶେଷ ହୋଇଛି। ସ୍ୱତନ୍ତ୍ର ସିବିଆଇ ଜଜ୍ ଏସ.କେ ଶଶି ଏହି ନିଷ୍ପତ୍ତି ଘୋଷଣା ପାଇଁ ଫେବୃଆରୀ ୧୫ ସ୍ଥିର କରିଛନ୍ତି।
ସମସ୍ତ ଅଭିଯୁକ୍ତଙ୍କୁ ନିର୍ଦ୍ଦେଶ ଦିନ ବ୍ୟକ୍ତିଗତ ଭାବେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା। ଲାଲୁ ପ୍ରସାଦ ରାଞ୍ଚିରେ ପହଞ୍ଚିଛନ୍ତି। ପ୍ରାରମ୍ଭରେ ଡୋରାଣ୍ଡା ଟ୍ରେଜେରୀରୁ ୧୩୯.୩୫ କୋଟି ଟଙ୍କା ବେଆଇନ ପ୍ରତ୍ୟାହାର ସହ ଜଡିତ ଚୋରାଘୋଟାଲ ମାମଲାରେ ୧୭୦ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା। ଏଥିମଧ୍ୟରୁ ୫୫ ଅଭିଯୁକ୍ତଙ୍କ ମୃତ୍ୟୁ ହୋଇସାରିଲାଣି। ସିବିଆଇ ଏହି ମାମଲାରେ ୭ ଜଣଙ୍କୁ ସରକାରୀ ସାକ୍ଷୀ ରୂପେ ସ୍ତ୍ରସ୍ତୁତ କରିଛି । ଏଥିସହ ୬ ଜଣ ଅଭିଯୁକ୍ତ ଏବେ ମଧ୍ୟ ଫେରାର୍ ଅଚନ୍ତି ।
ଏହି ମାମଲାରେ ଲାଲୁ ପ୍ରସାଦ, ପୂର୍ବତନ ସାଂସଦ ଜଗଦୀଶ ଶର୍ମା, ପଶୁପାଳନ ବିଭାଗର ସହକାରୀ ନିର୍ଦ୍ଦେଶକ କେ.ଏମ ପ୍ରସାଦ ଏବଂ ଅନ୍ୟାନ୍ୟ ମୁଖ୍ୟ ଅଭିଯୁକ୍ତ ଅଛନ୍ତି। ଏହାପୂର୍ବରୁ ଲାଲୁ ପ୍ରସାଦଙ୍କୁ ଅନ୍ୟ ଚାରିଟି ଚୋରାଘୋଟାଲା ମାମଲାରେ ଦୋଷୀ ସାବ୍ୟସ୍ତ କରାଯାଇ ଚଉଦ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛି ଏବଂ ବିଭିନ୍ନ ମାମଲାରେ ୬୦ ଲକ୍ଷ ଟଙ୍କା ଜୋରିମାନା କରାଯାଇଛି। ପୂର୍ବ ଚାରୋଟି ମାମଲାରେ ଲାଲୁ ଯାଦବ ହାଇକୋର୍ଟରୁ ଜାମିନ ପାଇଛନ୍ତି ଏବଂ ବର୍ତ୍ତମାନ ମଧ୍ୟ ସେ ଜାମିନରେ ଅଛନ୍ତି।
